أتولدت وانا عندي وحمة في منطقة معينة في جسمي،
أغمق من لوني، وحجمها كبير،
بـ تخليني أتجنب أبص على نفسي في المرايا،
وما بـ قدرش ألبس الفساتين الـلـي نِفسي فيها.
حاولت أروح لدكتور أعمل ليزر،
قالي: "دي خلقة ربنا، حتى لو عالجتيها هـ يفضل ليها آثار".

عُقدة حياتي هي طولي….
من ابتدائي ودايمًا أول تعليق بـ سمعه من أي حد بـ قابله هو:
"أنتِ طويلة كده ليه؟"
ولو واحدة طيبة بقى، وانا صعبانة عليها، بـ تدعيلي إني ألاقي عريس أطول مني.
أنا طولي حوالي 180….

أنا مولودة بشعر مجعد طبيعي، وده وارثاه عن جدتي لأمي
باقي عيلتي كلها عندهم شعر ناعم وطويل
طبعًا أنا اتعرضت لمواقف كتير من السخرية والتجريح من الناس كلها
بس أكتر حاجة كانت بـ تـأثـر فيا الـلـي بـ تـطـلـع من أفراد عيلتي.

أنا لابسة البنطلون الغلط النهارده
يا رب ما يـركزوش معايا، يا رب ما يـركزوش معايا
بـ كرههم، بـ كره حياتي.

راجعة من التمرين، ولابسة لبس الفريق بتاعي،
واتنين رجالة واقفين بـ يتأملونى في الشارع:
"ده واد ولا بت؟"
"دي بت يا ابني"

معايير الجمال، الشارع، التحرش، العنف المبني على النوع

من ساعة ما جيت مصر بدأت أشوف تريقة الناس على شعري الكيرلي
بـ سمع التريقة في الشارع زي "سرحي شعرك"
"يا كرتة"
"إيه النكشة دي"

"منكوشة"
"تحبي أجيب لك مشط؟"
"ماله ده؟ ما بـ تـسـرحـيـهـوش ليه؟"
"متكهربة؟ معلش"
"في دكتورة شكلها كده؟"
"يا حبيبتي سرحيه، ده يلم حاجات كده"

صار عمري 12 سنة، وكانت أول مرة بـ مسك فيها سـشـوار
ومن يومها ولمدة 12 سنة وانا بـ سـشـور شعري بشكل يومي
كان هدفي أتخلص من شعري الكيرلي البشع
طبعًا خربت شعري، وحرقته، وصار سيء جدًا
بس ما كان عندي خيار تاني.

من أول ما وعيت عـالدنيا وانا وزني زايد،
عشان كده كنت دايمًا بتعرَّض لتعليقات من الناس، خصوصًا عيلتي.
تعليقات عن قد إيه أنا تخينة،
سواء في طفولتي أو في مراهقتي أو لما كبرت.
دايمًا كانوا بـ يقولولي إني محتاجة أخس،
وإن شكلي وحش،

مثلت إني ما اتـقـرفـتـش بس أنا اتقرفت!
مثلت عشان حسيت إن عيب عليا أبقى مجروحة من حكم الناس على جسمي، وبعد كده أصدر أحكام على جسمك

معايير الجمال، الوصمة الاجتماعية، الضغوط الاجتماعية، الجسم